-
@ Esmail EL BoB 🇵🇸
2025-04-07 07:32:02المرة اللي فاتت اتكلمنا عن مميزات وعيوب العملات الرقمية والذهب العالمي. النهاردة هنتكلم عن طريقة استثمار مختلفة: ازاي تستثمر في العقارات برا مصر وانت قاعد في مكانك أونلاين!
مميزات وعيوب بشكل عام
المميزات
- استثمار في أصل حقيقي (عقار) فبتضمن فلوسك في حاجة ملموسة
- العقارات على المدى الطويل بتكسب كويس
- العائد بالدولار (9-10% سنوياً)
- الدخل بيتوزع أسبوعي أو شهري على حسب المنصة
- الحد الأدنى للاستثمار منخفض مقارنة بالاستثمار العقاري في مصر
العيوب
- المنصات أونلاين، فممكن في أي وقت يحصل مشكلة والموقع يقفل
- ممكن سعر العقار ينهار في المنطقة اللي اشتريت فيها
- ممكن يحصل مشاكل غير متوقعة للعقار (حريق، زلزال، إلخ)
- الاستثمار بيحتاج مدة طويلة (3-5 سنين) علشان يكون مجزي
المنصات
المنصات دي بتعمل شركة بتشتري العقار، وبعدين بتوزع أسهم الشركة على المستثمرين. يعني انت مش بتشتري العقار مباشرةً، لكن بتشتري حصة في شركة مالكة للعقار. ده بيخليك متدفعش ضرائب على العقار نفسه (على حد علمي، بس أسأل حد خبير للتأكيد).
منصة Realt
دي منصة بتتيح لك الاستثمار في عقارات بأمريكا وبنما. بتشتغل بنظام البلوكتشين والعملات الرقمية. كل توكن (token) بيمثل حصة في العقار (أو في الشركة المالكة للعقار).
مثلاً: لو التوكن الواحد بـ 50 دولار والربح المتوقع 5 دولار في السنة، يبقى العائد 10% سنوياً. العائد بيتوزع أسبوعياً من خلال عملة USDC، سواء على شبكة ETH (هتدفع رسوم gas fees) أو شبكة Gnosis (بدون رسوم).
فيها خدمة حلوة اسمها YAM (You and Me) وهي سوق P2P للعقارات. يعني تقدر تبيع عقارك لأفراد مش للموقع نفسه، وتحدد السعر اللي يناسبك، أو تشتري عقارات قديمة من مستثمرين تانيين.
مميزات Realt
- سهلة الاستخدام نسبياً
- الحد الأدنى صغير (حوالي 50 دولار)
- في محفظة داخل الموقع لو معندكش محفظة عملات رقمية
- تقدر تشتري بالفيزا أو بالعملات الرقمية
- العائد أسبوعي
- تقدر تبيع في أي وقت
عيوب Realt
- ممكن المنصة تقفل فجأة
- ممكن تحصل مشكلة بالشبكة
- لازم يكون معاك باسبور
منصة Stake
دي منصة بتتيح لك الاستثمار في أسواق السعودية والإمارات. مرخصة من البلدين، وتعتبر أسهل من Realt لأنها مفيهاش حوار العملات الرقمية.
هتدخل تسجل بالباسبور، وتختار العقار وتشتري أسهم فيه. الحد الأدنى 500 درهم (حوالي 135 دولار) للعقار. العائد شهري (مش متأكد 100%، لسه منتظر أول توزيع) وبيتحول على حسابك البنكي سواء برا أو جوا الإمارات وبأي عملة انت تختارها.
عشان تسحب فلوسك، في فترات محددة اسمها "exit window" بتكون مرتين في السنة. أو بعد 3 سنين، بيحصل تصويت بين أصحاب العقار لو عايزين يبيعوا قبل مدة الـ 5 سنين.
مميزات Stake
- سهلة الاستخدام
- واجهة ممتازة وبسيطة
- منصة مرخصة من السعودية والإمارات
عيوب Stake
- الخروج مش مرن (مرتين في السنة)
- ممكن المنصة تتعرض لمشاكل
- مخاطر العقارات العامة
ادعمني (اختياري)
- لو حابب تسجل عن طريق Realt ممكن تستخدم رابط الإحالة بتاعي: https://realt.co/ref/esmailelbob/
- لو حابب تسجل عن طريق Stake ممكن تستخدم رابط الإحالة بتاعي: https://app.getstake.com/rewards?c=ISMAEL182
- USDT (TRC20):
TKQ3Uwkq21ntiua2Zh9Hu376fdMdnRGWN6
شوف الكومنتات لو فيه أي تعديل أو بوستات جديدة.