-
@ Esmail EL BoB 🇵🇸
2025-04-08 09:26:26النهاردة هنتكلم عن طريقة استثمار مختلفة: إزاي تستثمر في الدهب جوه مصر. فيه طريقتين: يا إما تشتري الدهب من محلات الصاغة يا إما تستثمر أونلاين (زي صندوق AZG). أنا بفضل الطريقة الأونلاين عشان سهلة والحد الأدنى للاستثمار أقل بكتير، بس فيه عمولة سنوية. هشرح مميزات وعيوب كل طريقة بالتفصيل.
الدهب الحقيقي
المميزات
- استثمار في أصل حقيقي تقدر تلمسه
- مش محتاج أوراق ولا كارت بنك عشان تشتري
العيوب
- محتاج مكان آمن تخزنه فيه (بيتك أو خزنة في البنك)
- الحد الأدنى للاستثمار عالي (جرام أو ربع جرام)
- ممكن تشتري دهب مغشوش لو مشتريتش من مكان موثوق فيه
الدهب الإلكتروني
المميزات
- سهل وسريع في الشرا والبيع
- الورق المطلوب بسيط (صورة البطاقة بس)
- تقدر تستثمر بفلوس قليلة
العيوب
- العمولات السنوية عالية شوية
المنصات
للشرا أونلاين، أنا عارف بس منصة AZG سواء عن طريق AZinvest أو من خلال برامج التداول زي ثاندر. بنصح باستخدام AZinvest عشان أسهل وكل الإجراءات بتتم أونلاين، أما منصة ثاندر فمحتاجة توقع ورق وبتاخد وقت أطول.
منصة AZinvest
ده تطبيق تابع لشركة أزموت (اللي مالكة صندوق الدهب وصناديق استثمارية تانية). الخطوات سهلة: 1. تنزل التطبيق 2. تسجل باستخدام صورة البطاقة 3. توقع العقد أونلاين 4. تحط فلوس عن طريق التحويل البنكي (إنستاباي) أو كارت البنك
المشكلة الوحيدة هي عمولة السحب (2 جنيه لبنك مصر، وأكتر للبنوك التانية). ممكن تتجنب العمولة دي لو سجلت من خلال منصة تانية زي ثاندر.
ويمكن شئ تاني و هو مواعيد الشراء و البيع و هي من كل اثنين لخميس لو عملت امر البيع قبل 12 الظهر هيبقي بنفس اليوم ولكن لو بعد يبقي تاني يوم (+ يوم او يومين عمل لو سحب لحسابك البنكي) بس دا كله يعتبر متوقع و طبيعي بس هي لو حاطط في بالك هتبقي بسرعة
و ملحوظة مهمة لما تيجي تبيع حصص في كل مرة هيخصموا عمولة الصندوق 4.9% فا حاول لو هتخرج خالص بيع كلة مرة واحدة و العمولة بتقل كل سنة لحد التالتة او الرابعة بتبقي من غير عمولة
ادعمني (اختياري)
- USDT (TRC20):
TKQ3Uwkq21ntiua2Zh9Hu376fdMdnRGWN6
شوف الكومنتات لو فيه أي تعديل أو بوستات جديدة.