-
@ Esmail EL BoB 🇵🇸
2025-04-07 07:27:17أهلاً! أفترض إنك قرأت أول كام بوست، ولو لأ فده لينك أول بوست علشان تتابع بالترتيب: <لينك أول بوست>
المرة اللي فاتت اتكلمنا عن مميزات وعيوب البورصة الأمريكية، زي إنك تقدر تستخدم الكريبتو كطريقة إيداع سهلة. النهاردة هنتكلم عن حاجتين مهمين: العملات الرقمية المستقرة والذهب العالمي.
العملات الرقمية المستقرة (Stablecoins):
لما بتكلم عن العملات الرقمية، مش قصدي تشتري بيتكوين وخلاص. أنا قصدي العملات المستقرة زي USDT وUSDC، لأن كل عملة منهم ليها ما يعادلها بالدولار أو أصول حقيقية. يعني لو بصيت على سعر البيتكوين هتلاقيه ممكن 80 ألف دولار للوحدة، لكن USDT أو USDC دايماً سعرها قريب من 1 دولار. دي حلوة جداً للتعامل الإلكتروني لأنها زي الدولار المشفر.
إحنا هنستخدمها في خدمة اسمها "Earn" وهي شبه شهادات البنك. بتروح على بينانس، تشتري عن طريق P2P، وبعدين تروح على صفحة الـ Earn: https://www.binance.me/en/earn/simple-earn
هناك هتلاقي خيار تعمل "stake" للعملات دي، يعني بتحجز فلوسك لمدة معينة على الموقع، والموقع بيستخدمها (يسلفها لحد تاني أو يستخدمها كسيولة). الحلو إن في Earn، مش لازم تقفل فلوسك لسنة أو 3 سنين زي البنك. في اختيار اسمه "Flexible" بتقدر تحط فلوسك وتسحبها في نفس اليوم، والعائد بينزل يومياً. العيب إن العائد بيتغير يومياً. ممكن تختار Flexible لو عايز تسحب في أي وقت، أو تختار مدة أسبوع أو 90 يوم بعائد ثابت (بس بيكون أقل من الـ Flexible شوية).
ممكن كمان تفعل "Auto-Subscribe" لأن العائد بينزل بنفس نوع العملة، فبدل ما العائد يفضل مركون، أو لما يبقى معاك عملات زيادة في المحفظة، هو بيشترك تلقائي في Earn، فبيبقى زي العائد المركب.
المميزات
- عائد دولاري ومش متأثر بالجنيه
- بينزل عائد يومي
- تقدر تسحب فلوسك في أي وقت
- الحد الأدنى صغير (حوالي 100 جنيه)
العيوب
- الأمان مش 100% لأنها منصة وممكن (لا قدر الله) تقفل حسابك
- العملات الرقمية غير قانونية في بعض البلدان فخلي بالك
- خلي بالك من محاولات النصب: زي لما حد يقولك نكمل المعاملة برا المنصة، أو يبعت رسالة من رقمه كأنها من إنستاباي أو فودافون كاش
- العائد متغير وممكن يقل (بس حالياً حوالين 10%)
- قيمة الدولار نفسها ممكن تتغير
ملحوظة: لو قلقان من بينانس، فيه منصات تانية زي Kraken (بس العائد أسبوعي ومش عالي) أو OKX اللي بتدي أول 180 يوم عائد 10% مضمون، وبعدين ممكن تحول لـ Binance أو Bybit.
الذهب العالمي (PAXG)
بالنسبة للذهب، نفس الخطوات السابقة بالظبط. الحلو إنه في خدمة Earn لـ PAXG - صحيح العائد أقل من 1% سنوياً، بس أحسن من مفيش!
هتشتري USDT من خلال P2P، بعدين تروح بينانس وتعمل تحويل من USDT إلى PAXG. كده بقى معاك ذهب بالسعر العالمي. أحب أطمنك إن PAXG من شركة موثوقة، وتقدر تقرا عنها هنا: https://www.paxos.com/pax-gold
فيه عملات تانية شبهها، بس دي من أفضلهم، خصوصاً إنهم بيعملوا تقييم للأصول بشكل دوري للتأكد من مصداقية الشركة.
المميزات
- ذهب سهل الوصول إليه
- الحد الأدنى قليل
- أمان نسبي ضد التضخم
- سهولة الشراء والبيع
العيوب
- نفس عيوب المنصات الرقمية
- قيمة الذهب نفسها ممكن تتغير
- العائد على الـ PAXG منخفض (أقل من 1%)
العملة موجودة كمان على Kraken، بس مش متأكد لو فيها خدمة Earn زي بينانس.
ادعمني (اختياري)
- لو حابب تسجل عن طريق Binance ممكن تستخدم رابط الإحالة بتاعي: https://www.binance.com/referral/earn-together/refertoearn2000usdc/claim?hl=en&ref=GRO_14352_5LGSE
- USDT (TRC20):
TKQ3Uwkq21ntiua2Zh9Hu376fdMdnRGWN6
شوف التعليقات لو في اي تعديل او بوستات جديدة.