-
@ Esmail EL BoB 🇵🇸
2025-04-07 07:31:09النهاردة هنتكلم عن فوري يومي، تقريباً أكتر صندوق مقرب لقلبي وبرشحه لأي شخص بيدور على حاجة تطلع بيها عائد يصرف منه. العائد بتاعه حوالي 24% وبينزل يومي، فمقارنة بالعائد الشهري بتاع البنوك اللي هو 23% أو 23.5%، فيعتبر حلو جداً لأن العائد يومي زي ما قلت وبتقدر تسحب فلوسك فوري (عن طريق الكارت الأصفر) أو خلال يومين عمل لو تحويل بنكي. قصدي إنه مش بيتجمد زي البنك، بس فيه عيوب برضه زي إنك لازم تروح تمضي الورق من فرع فوري بلس، أو إن الحد الأقصى 100 ألف جنيه (مشاكل أغنياء عارف، بس لازم أقول كل العيوب)، غير لو هتقدم مصدر دخل وهكذا. هقولك بالتفصيل تحت عن مشكلة حصلت معايا عشان تاخد بالك منها وإنت بتقدم.
تطبيق ماي فوري
علشان تبدأ في الصندوق، لازم تروح الفرع ويبقى معاك تطبيق ماي فوري. وللصراحة، الموضوع سهل وبسيط: هو بطاقتك وتروح أي فرع، هتمضي على ورق وتتصور هناك (هما هيصوروك) وكام يوم وبس كدا هتتفعل.
أعتقد مش محتاج كارت فوري الأصفر، بس هو هيساعدك كتير وببلاش، فأنصحك تعمله مع الصندوق. بس خلي بالك ومهم جداً جداً: لأني تاني مرة لما كنت بعمل الكارت (كانت بعد حادثة تهكير فوري)، الراجل هناك قعد يحوّر ويقولي لازم تعمل محفظة على رقم التليفون وإلزامي وبتاع، وفي الآخر طلع بيكدب علشان ياخد بونص. وأنا مش بهاجمه، بس قصدي خلي بالك لأنه ممكن يستغلوك بالفرع ويمضيك على حاجات زيادة. فإنت اقرأ العقد بتاعك قبل ما تمضي، أو روح فرع نضيف. هو مش لازم أقرب فرع ليك، فخلي بالك من النقطة دي.
المميزات:
- سهل
- بطاقتك بس
- تقدر تسحب في أي وقت وسهولة الإيداع كمان
عيوب:
- كبداية في حد أقصى 100 ألف جنيه، بس ممكن تزودهم بعدين
- الإيداع بيقعد كام يوم عمل لحد ما يسمع
- العائد بينزل يومي ماعدا الجمعة والسبت والأحد تقريباً كمان
ادعمني (اختياري)
- USDT (TRC20):
TKQ3Uwkq21ntiua2Zh9Hu376fdMdnRGWN6
شوف الكومنتات لو فيه أي تعديل أو بوستات جديدة.