-
@ Esmail EL BoB 🇵🇸
2025-04-07 07:31:44النهاردة هنتكلم عن طريقة استثمار مختلفة: ازاي تستثمر في العقارات جوا مصر وانت قاعد في مكانك أونلاين!
مميزات وعيوب بشكل عام
المميزات
- استثمار في أصل حقيقي (عقار) فبتضمن فلوسك في حاجة ملموسة
- العقارات على المدى الطويل بتكسب كويس
- العائد بالجنية بس مربوط بالدولار (9-10% سنوياً) يعني لو الجنية اتعوم تاني العائد اللي بيجي ليك بالجنية هيزيد 500 بدل 300 مثلا.
- الدخل بيتوزع شهري
العيوب
- ممكن سعر العقار ينهار في مصر
- ممكن يحصل مشاكل غير متوقعة للعقار (حريق، زلزال، إلخ)
- الاستثمار بيحتاج مدة طويلة (3-5 سنين) علشان يكون مجزي
- الحد الادني كبير نسبيا يعني 50 الف جنية
- تدفع ضرائب عقارية
المنصات
هي منصة واحده (علي الاقل اللي جربتة) اسمها Safe هي تبع مدينه مصر و علي عكس الاستثمار العالمي هو انت فعلا بتشتري جزء من الشقة فا حلو لانه مشترك مباشر بس بالمقابل هتدفع ضرائب العقارية كل سنة لانه انت كدا مالك لعقار جوا مصر
منصة Safe
دي المنصة الوحيدة اللي اعرفها علي الاقل في مصر و هي الي حد ما حلوة يعني الستجيل بالبطاقة و بعدها بتختار العقار و تحط الفيزا سواء تدفع مره واحده او بالتقسيط (بفوائد) لحد سنة و بعد كدا باسبوع هيجي شخص تمضي معاه العقد و بعد شهر هيجي ليك اول عائد في حسابك البنكي اللي كاتبة في التطبيق
المميزات: - سهل - ينفع بالبطاقة العيوب: - الفلوس محجوزة لمده 6 شهور قبل ما تقدر تبيع وتسحب فلوسك - فيه شويه اخطاء تقنيه زي مثلا انا وصلي العائد في البنك بس لسه مسمعش في التطبيق لحد دلوقتي و في شويه عقارات بتظهر و تختفي (لما تكون اتملت) فا اللي هو حاسس في حاجات لسه يدوي و متوقع لان التطبيق جديد بس قصدي كان عندي امل يستنوا شويه اكتر الاول قبل ما يبدوا التطبيق
ادعمني (اختياري)
- USDT (TRC20):
TKQ3Uwkq21ntiua2Zh9Hu376fdMdnRGWN6
شوف الكومنتات لو فيه أي تعديل أو بوستات جديدة.